தாயின் கரங்கள்

தாயின் கரங்கள்

     நன்கு படித்த இளைஞன். ஒரு நிறுவனத்தின் மேலாளர் பதவிக்கு விண்ணப்பித்திருந்தான்.நிறுவன இயக்குநர் அவனை இறுதிப் பேட்டிக்கு அழைத்திருந்தார்
.
    விண்ணப்பத்தில் இருந்த விவரங்களைப் படித்த இயக்குநருக்கு  அந்த இளையஞன் படிப்பில் கெட்டிக்காரன் என்று தெரிந்தது. பள்ளி முதல் பட்ட மேற்படிப்பு வரை நன்கு தேர்ச்சி பெற்றிருந்தான்.
     பேட்டி ஆரம்பமானது

     பள்ளியில் உதவித் தொகை பெற்று படித்தாயா?
     இல்லை சார்

     உன் தந்தைதான் உன்னை படிக்க வைத்தாரா?
     இல்லை. எனக்கு ஒரு வயது இருக்கும்போதே என் தந்தை இறந்துவிட்டார். என் தாய்தான்  வேலை செய்து படிக்க வைத்தார்
.
     உன் தாய் எங்கு வேலை செய்கிறார்?
     வீடுகளிற்கு சென்று துணை துவைத்தும் பாத்திரம் கழுவியும் ;வேலை செய்து வருகிறார்
.
     எங்கே உன் கைகளைக் காட்டு?
     இளைஞன் கைகளைக் காட்டினான். இரண்டு கரங்களும் வழு வழுப்பாக இருந்தன

     உங்க அம்மா வேலை செய்யும்போது எப்பொழுதாவது உதவி செய்திருக்கிறாயா
?
     இளைஞன் மௌனமாக இருந்தான்
.
     "நீ வீட்டுக்குப்போ. உன் தாயின் கரங்களைப் பார். நாளை வந்து என்னைப் பார்." என்றார்.

     இளைஞன் வீடு திரும்பினான் . தாயின் கரங்களைக் காட்டச் சொன்னான். அம்மாவின் கரங்கள் சுருக்கம் விழுந்திருந்தது. பல இடங்களில் காயம் இருந்தது. சொர சொரவென இருந்தது. அவன் கண்களிலிருந்து கண்ணீர் வந்தது. கைகளை தண்ணீர் விட்டு கழுவினான். நான் பள்ளியில் படிக்க இந்த கரங்கள்தானே துணிகளை துவைத்து தேய்ந்தன என நினைத்தான். அவன் கண்களிலிருந்து கண்ணீர் வந்தது.  தான் எதிர்காலத்தில் நன்கு வாழ    கொடுத்த விலைதான் அந்த சொரசொரப்பு என நினைத்து நெகிழ்ந்தான்.

       எழுந்து சென்றான்.  அவர் துவைக்கவிருந்த துணிமணிகளை துவைத்தான். அன்றிரவு அம்மாவிடம் மனம்விட்டு பேசினான். அவள் கடந்து வந்த பாதைகளை - துயரங்களை - நன்கு தெரிந்து கொண்டான்.

       மறுநாள் இயக்குநரைச் சந்தித்தான். அவன் நேற்று அழுதிருக்கிறான் என்பதை அவன் கண்களை  வைத்து புரிந்து கொண்டார். "நேற்று வீட்டில் இருக்கும்போது உன் மன நிலை எப்படி இருந்தது" எனக் கேட்டார்.

       என் தாயின் கரங்களைப் பார்த்தேன். உழைத்து உழைத்து சொரசொரப்பான கைகளைப் பார்த்தேன். அங்கு இருந்த மீதி துணிகளை துவைத்தேன்
.
         "அதனை எப்படி உணர்ந்தாய்."
        
         1. எனக்காக - என் எதிர்காலத்திற்காக தன்னை வருத்திக் கொண்டிருக்கும் என் தாயைக் கண்டேன்.

         2. கடினமான வேலையைக் கூட அன்பின் மிகுதியால்  பாசத்தினால்- விரும்பி ஏற்றுக்கொண்டிருப்பதைக் கண்டேன்.

          3.எனது தாயின் பண்பு நலனைப் பாராட்டினேன். என்னை உச்சி முகர்ந்து அணைத்துக்கொண்டாள். அவளுடைய உணர்வை முழுமையாக உணர்ந்தேன்.

         " வெரி குட். இம்மாதிரியாக உணர்வுடைய மேலாளர்தான் தேவை. பிறரது கஷ்டங்களை உணரவும் அவர்களைப் பாராட்டவும் தெரிய வேண்டியது மிக அவசியம். ஒவ்வொரு செயலையும் கூர்ந்து கவனித்து ஒவ்வொருவரின் பண்புகளையும் அறியும் திறனும் அவசியம். உன் தாயிடமிருந்து உழைப்பின் மகிமையை உணர்ந்திருப்பாய். உண்மையான உழைப்பு உள்ளவர்களைப் பாராட்டினால் அவர்கள் உன்னை பாசத்தோடு அரவணைத்துக்கொள்ளவார்கள். இனி இந்த நிறுவனம் வளர நீ பாசத்தோடு பழகி அனைவரையும் அரவணைத்து செல்வாய் என நம்புகிறேன். வாழ்த்துகள்" என்று கூறி அவனது இருக்கைக்கு அழைத்துச் சென்றார்.

Comments

Popular posts from this blog

Technical Publication Ebooks Free Download

Volvo Group is Hiring Fresh Engineering Graduates under National Apprenticeship Training Scheme(NATS) for Skilling Indian Youth