உண்ணுவதற்கு முன் உரைப்போம் நன்றி

**

சேற்றில் இறங்கி 

விதை விதைத்து

சிரமம் நூறு சந்தித்து,

தரமாய் விளைச்சல் தான்செய்த,

உயர்வான எங்கள் *விவசாயிக்கும்* , 

அறுக்கையிலும், 

அடித்து உதிர்க்கையிலும்,

அளந்து சாக்கில் அடைக்கையிலும்,

பல கை மாறியும்,

இச்சோற்றை பக்குவமாய் 

நம் கையில் சேர்த்த *இறைவனுக்கும்* ,

நம்முடைய பசியென்னும் தீயை அணைக்க,

தீக்குளித்த *விறகுகளுக்கும்* ,

நெருப்பின் மீது வைத்தும்,

வெறுப்பினைக் காட்டாது

வெம்மையை பொறுத்துக்கொண்ட

 *மண்பாணைக்கும்*,

உணவாய் உருமாற

உளையில் கொதித்த

 *அரிசிகளுக்கும்* ,

பக்குவமாய் சமைத்து

பாசமாய் பறிமாறும்

 *மனைவிக்கும்* ,

உலக பசி தினமான இன்றுமுதல்,  

உண்ணுவதற்கு முன் உரைப்போம் நன்றி!

 *புனிதன்*

9840682682